Romani chib

Dobrodoslo ko Folktandvården Västra Götaland

Angleder te aven amende ki poseta akava i sukar te dzanen

Folktandvården isi ki celo Svedska hem Folktandvården isi ki Västra Götaland ko sa o 49 komune ko Västra Götaland.

KoVästra Götaland o zabno i bizo phare sa dzjikote na phereja 24 bers. Tu so sijan pophureder isi tut duj alternative,te platine posle svako poseta ko Frisktandvård – zabno fixno cena ko masek. Kontaktirin odoja klinika kote so pod normalno uslovija dzaja te mangljan te dzane pobuter basi o Frisktandvård ili kozom o razno tretmani kostinela. Te na geljan ko dajek posebno klinika shaj te kontaktirine odova Folktandvård kote so i tuke hempashe.

Hitno dzajiba ko zabno

Keda i hitno sluchaj valjani te obratinetut najprvo ki odoja klinika kote so normalno dzaja. Te na geljan ki dajek posebno klinika shaj te javinetut ko najpashe Folktandvård ki te uputinetut.. Te i panli i klinikas shaj te kontaktirine o hitno ko Folktandvården odote kote so besheja, Shaj te javinetut ko sjukvårdsupplysningen/informacija keda sijan nasvalo ko telefonsko broj 1177.

Tumaci

Kontaktirin te klinika te i tuke potrebno tumaci ked ka ave ko Folktandvården. O tumaci so ka tumacinel tuke i bizo phare.

SMS-potsetniko

Te dingjan to mobilno broj ka dobine SMS poraka angleder jek , duj dive te ave ki poseta so i planirime.Te na reslja tuke SMS poraka ko mobilno telefoni zbog dajek tehnicko razlogija o termini so i tuke zakazime ipak vazini.

Te porucine javer termini

Te nasti te ave, tu shaj korokori odole potsetnikoja so dobingjan o termini, shaj te porucine javer termini ki amari webstrana www.folktandvarden.se/vgregion. Khuv ki strana kote so pisinela "Boka om din tid". Tu shaj direktno te javinetut ko telefoni ki amari klinika ili preku e-posta. Podatkija basi o kontaktija hemkolaj shaj te arake ki amari webbstrana www.vgregion.se/folktandvarden/hittamottagning

Kontaktirin uvek i klinika keda mangeja te otkazine o termini

Te mangljan te otkazine o termini mora te javine amengje so posigate ki te nudina javereske o termini. Odoleske otkazin o termini direktno ki klinika ko telefoni ili preku e-posta najkasno ko 12.00 o saati rabotno dive angleder i poseta. Te nasvaljiljan ko isto dive keda isi tut termini te ave , kontaktirin i klinika najkasno jek saati palo so pravgja

Te na aljan ipak ka platine (vazinela isto sar e chavengje agjahare e barengje)

Te kasnigjan ili te na aljan ko odova vreme keda sine tut to termini mora ipak te platine. Isto vazinela te otkazingjan o termini kasno.

Birin tuke sar mangeja te platine i poseta

Tu shaj te platine o zabno ko gotovo ili konto kartichkaja. Dajek klinike naplatinena samo konto kartickencar.Javin tut ki klinika te isi tut dajek puchiba.

Te na sijan zadovolno

Amenge ko Folktandvården i but bitno tu sar musterija te ove zadovolno odole tretiribaja so dobineja amende kotar amare zabarija,higienistija dandengere ili dandengere sestre.U sluchaj te na sijan zadovolno amen mangaja te kontaktirine amende, kozom amen te shaj te ova poboljsinamen.

Obratintut ki tlo zubari hem vaker oleske soja na sijan zadovolno hem soske. Posle odova stu shaj te obratinetut ko shef e klinikakoro.

Shaj te bicale e-postaja to komentari ko Foltkandvården Västra Götalands o odel ko so i zaduzime bashi o kvaliteti. I e-postansko adreaza i: E-postadress

Puchiba

Tu sijan uvek dobro doslo te javine tut ko Folktandvården te isi tut nesto te puche. Kontaktirin prvo odoja klinika kote so praktikuineja te dza.